ഇടിയപ്പം

പുട്ട് പോലെ തന്നെ മലയാളികളുടെ ഒരു പ്രിയ വിഭവം ആണ് ഇടിയപ്പം .
റൈസ് സേവ എന്ന് പറഞ്ഞു ഇവിടെ കര്‍ണ്ണാടകയില്‍ കിട്ടുമെങ്കിലും നമ്മുടെ ഇടിയപ്പത്ത്തിന്‍റെ അത്ര അത് പോരാ.
പാലും പഞ്ചസാരയും ചേര്‍ത്തോ ഏത്തപ്പഴം പുഴുങ്ങിയതിന്‍റെ കൂടെയോ കോഴിക്കറിക്കൊപ്പമോ മീന്‍ കറിക്കൊപ്പമോ മുട്ടക്കറിക്കോ മുട്ട റോസ്റ്റിനും ഒപ്പമോ എങ്ങനെ വേണമെങ്കിലും ഇടിയപ്പം കഴിക്കാം.

ഇടിയപ്പവും മുട്ടക്കറിയും.

നന്നായി വറുത്ത് തരി ഒട്ടും ഇല്ലാത്ത അരിപ്പൊടി :- ഒരു കപ്പ്‌
ഉപ്പു :- പാകത്തിന്
തിളച്ച വെള്ളം :- പാകത്തിന്
തേങ്ങാ ചിരകിയത് :- പാകത്തിന്

വെള്ളം ഉപ്പു ചേര്‍ത്ത് വെട്ടിത്തിളയ്ക്കുമ്പോള്‍ അരിപ്പൊടി ചേര്‍ത്ത് കട്ട കെട്ടാതെ ഇളക്കി വേവിച്ചു വാങ്ങുക.
ഇനി ഇത് നന്നായി കൈ കൊണ്ട് തേച്ച ശേഷം ഇടിയപ്പത്ത്തിന്‍റെ അച്ചില്‍ നിറയ്ക്കുക (ഏറ്റവും ചെറിയ തുളയുള്ളതാണ് നല്ലത് )

തട്ടില്‍ എണ്ണ മയം പുരട്ടി അല്പം തേങ്ങാ വിതറുക. ഇനി അച്ചില്‍ നിന്നും ഇതിനു മുകളില്‍ പിഴിയുക. ഇതിനു മുകളില്‍ അല്പം തേങ്ങാ കൂടി വിതറുക.ഇനി ആവിയില്‍ വേവിച്ചെടുക്കുക.
വാഴയിലയില്‍ ഉണ്ടാക്കുന്നതിനാണ് രുചി കൂടുതല്‍ . ഇവിടെ എളുപ്പത്തിനു ഇഡ്ഡലി തട്ടില്‍ ആണ് ഉണ്ടാക്കാറു പതിവ്.

ഇടിയപ്പം ഉണ്ടാക്കുന്ന അച്ച്

മുട്ടക്കറി ഉണ്ടാക്കുന്നത്‌ എങ്ങിനെ എന്നറിയാന്‍  ഇവിടെ ക്ലിക്ക് ചെയ്യുക